Lán來講看māi - 啥mi̍h是「講國語」
/ 卉均
「講國語」tsit三个字，自從解嚴以來將近40年ê時間m̄ bat聽--過，最近suah雄雄koh出現！無一个國家ê人ē講家己ê語言是「國語」——英國人in講English ，法國人in講Français，就連中國人mā是講「中文」，kan-na lán台灣人家己知影所謂ê「國語」是啥mi̍h。若照字面ê意思來看，「國語」應該是國家ê語言，根據2019年ê《國家語言發展法》，m̄-nā華語（中文），就連台語、客語、原住民語、馬祖語，koh有台灣手語，lóng是國家語言。
過去錯誤語言政策ê緣故，致使台語hông壓迫做一種sông、粗俗ê枋模印象。早前ê戲劇、文學小說內面，講台語--ê lóng是tshit-thô囡仔、鱸鰻iah是竹雞仔；講華語--ê顛倒是醫生、律師、 校長等等。Hit時ê國民黨政府為著beh洗掉台灣人民ê自我認同，kā台灣人沓沓仔變做是中國人mā是tsiânn綿tsinn！是按怎hia-ê tshuann仔是講台語，m̄是講客語iah是原住民語？He是因為台灣tsit塊土地頂有超過六成ê人講台語，國民政府強迫beh改--ê當然就是台語。
Mā因為án-ne，suah hōo台語變做是「大部份ê少數」，台灣人大部份lóng聽有台語，認為台灣話m̄免推行、保護，逐家lóng ē-hiáu聽、ē-hiáu講。顛倒是客人朋友，in khah早智覺著客語ê流失，tī 1988年發起「還我母語」活動，將in ê聲音hōo社會大眾聽--著，tsiah bē變做是一隻無聲ê花眉。客人朋友tī 2001年koh有「客委會」來sio-thīn，mài講人「原民會」tī 1996年成立到tann mā已經30冬--looh！
所以m̄-tsiah講台語是「大部份ê少數」，明明台灣人一半以上lóng聽有台語，suah變做是去hông鉸斷喙舌ê人，無法度講家己ê話！鼓勵每一个人講台語、學台文，m̄是ài放棄中文，kan-na ē-sái學ná像英文ê羅馬字，mā m̄是mài寫漢字。台文也有tsiânn濟漢字，只是有ê擬聲、擬態ê詞，漢字寫bē出--來、用羅馬字tsiah有法度表達。
我個人mā tsiânn kah意漢字，lán台灣可能是唯一一个iáu leh使用「繁體字」ê國家，中國hit套「簡體字」m̄-nā字無tsiânn字，也無字體本身ê suí！Kah意中文iah是中國ê文化無要緊，就親像有人tsiânn愛英語、法語等歐洲ê文化。
Khîng真來講，beh欣賞別人ê文化進前，應該ài先認bat家己ê語言、認同自我ê文化。Íng過因為專制政府ê語言政策，壓迫台語文化pha荒真久--ah！Ǹg望下一代ê少年人濟濟來開墾tsit个荒埔，mài koh有人「講國語」，上ke是「講中文」！
過去錯誤語言政策ê緣故，致使台語hông壓迫做一種sông、粗俗ê枋模印象。早前ê戲劇、文學小說內面，講台語--ê lóng是tshit-thô囡仔、鱸鰻iah是竹雞仔；講華語--ê顛倒是醫生、律師、 校長等等。Hit時ê國民黨政府為著beh洗掉台灣人民ê自我認同，kā台灣人沓沓仔變做是中國人mā是tsiânn綿tsinn！是按怎hia-ê tshuann仔是講台語，m̄是講客語iah是原住民語？He是因為台灣tsit塊土地頂有超過六成ê人講台語，國民政府強迫beh改--ê當然就是台語。
Mā因為án-ne，suah hōo台語變做是「大部份ê少數」，台灣人大部份lóng聽有台語，認為台灣話m̄免推行、保護，逐家lóng ē-hiáu聽、ē-hiáu講。顛倒是客人朋友，in khah早智覺著客語ê流失，tī 1988年發起「還我母語」活動，將in ê聲音hōo社會大眾聽--著，tsiah bē變做是一隻無聲ê花眉。客人朋友tī 2001年koh有「客委會」來sio-thīn，mài講人「原民會」tī 1996年成立到tann mā已經30冬--looh！
所以m̄-tsiah講台語是「大部份ê少數」，明明台灣人一半以上lóng聽有台語，suah變做是去hông鉸斷喙舌ê人，無法度講家己ê話！鼓勵每一个人講台語、學台文，m̄是ài放棄中文，kan-na ē-sái學ná像英文ê羅馬字，mā m̄是mài寫漢字。台文也有tsiânn濟漢字，只是有ê擬聲、擬態ê詞，漢字寫bē出--來、用羅馬字tsiah有法度表達。
我個人mā tsiânn kah意漢字，lán台灣可能是唯一一个iáu leh使用「繁體字」ê國家，中國hit套「簡體字」m̄-nā字無tsiânn字，也無字體本身ê suí！Kah意中文iah是中國ê文化無要緊，就親像有人tsiânn愛英語、法語等歐洲ê文化。
Khîng真來講，beh欣賞別人ê文化進前，應該ài先認bat家己ê語言、認同自我ê文化。Íng過因為專制政府ê語言政策，壓迫台語文化pha荒真久--ah！Ǹg望下一代ê少年人濟濟來開墾tsit个荒埔，mài koh有人「講國語」，上ke是「講中文」！
