作者：姚文崧 （台北大學經濟系四年ê學生）
進前，馬來西亞華人ê英文譯名大部份是用南方漢語（福建話、廣東話、潮州話、客話之類--ê）。但是1990年代出生--ê，用南方漢語譯名ê比例koh降低--ah。我是90年代出世，仝沿ê同學差不多五成到六成是用南方漢語ê譯名。
但是2000年代出世--ê，大部份lóng是「北京人」，kan-na用北京話譯名。其中ê北京話譯名可能是漢語拼音，iah是烏白鬥--ê北京話讀音。Tse有影是tsiok大ê侮辱。但是，因為馬來西亞華人iáu是堅持祖先ê姓bē-sái換ê原則，猶原保留南方漢語發音ê姓。
中年輩有真濟華人ê名iáu是全部用南方漢語譯名，你就有法度臆著in ê祖籍。但是，tsit-má ê少年人khah濟是用北京話譯名，你就無法度臆--著--ah。
就算是in ê姓保留祖話ê讀音，mā是無法度臆。比如講姓陳--ê，用潮州話、福建話讀lóng是Tân；tī馬來西亞，「李」tī福建話、潮州話、客話kah廣東話lóng是音譯做「Lee」。
我tsiok榮幸，我koh tī厝內講家己ê祖話：福建話kah廣東話。我真榮幸我ê名koh是用福建話讀音。拼音是「Yeow Boon Soong」。「姚」kah「文」是福建話，「崧」譯做「Soong」是tuè廣東話發音。
本來，馬來西亞華人iáu是保留用祖話號名ê一陣人。但是，「講華語運動」造成母語流失，in lóng變做文化上ê北京人。Tse百面是文化上ê大劫數。
用母語號名建立身份認同，無需要感覺見笑。中國人tsiah是悲哀--lah！In bē-sái用母語號名，kan-na ē-sái用北京話ê名姓。
#Lán來講看māi 專欄，本文使用教育部推薦漢字kap臺灣閩南語羅馬字拼音方案。
台文通訊BONG報333期，2021年12月出刊。
歡迎捐款贊助 #李江却台語文教基金會
（捐款可抵稅，匯款後請通知02-23112199）
郵政劃撥：19021486戶名：財團法人李江却台語文教基金會
電匯：123-20-050514-2華南銀行士林分行活儲戶名：財團法人李江却台語文教基金會
李江却台語文教基金會需要你ê定期捐款，逐個月捐助NT$200以上，lán做伙來推動復振台灣語文ê事工，歡迎利用劃撥、電匯、信用卡、郵局『存簿儲金自動轉帳』扣款iah是線頂捐款、現金贊助。
◎逐個月贊助本會（台文通訊BONG報發行單位）NT$200（iah是逐冬NT$2,400）以上，做伙支持基金會事工kap雜誌編印發行費用。歡迎利用郵局劃撥、信用卡（寫捐款單）、線頂捐款、現金贊助、銀行/ATM轉帳（轉帳了後請通知）、支票、郵局戶頭自動轉帳扣繳（寫授權書），捐款收據ē-tàng做『列舉扣除額』抵稅ê用途。
